CSA SmarterMail Proqramında Tənqidi ‘Vulnerability’ Barədə Xəbərdarlıq Yayımladı

Sinqapurun Kibertəhlükəsizlik Agentliyi (CSA), SmarterTools SmarterMail e-poçt proqram təminatında maksimum dərəcədə ciddi təhlükəsizlik qüsuru barədə rəsmi bülleten yayımlayıb. Bildirilir ki, bu qüsur Exploit edilərək uzaqdan kod icrası (RCE) əldə etməyə imkan verir.

Vulnerability, CVE-2025-52691 kodu ilə izlənilir və CVSS qiymətləndirmə sistemində mümkün olan ən yüksək — 10.0 bal toplayıb. Bu, onun kritik təhlükə səviyyəsini göstərir.

Məlumatda qeyd olunur ki, sözügedən problem arbitrar fayl yükləmə halı ilə əlaqədardır. Bu cür yükləmə, heç bir autentifikasiya tələb etmədən proqram üzərində kod icrasını mümkün edə bilər ki, bu da hücum edənlər üçün ideal şərait yaradır.

Xaker.az olaraq bütün SmarterMail istifadəçilərinə proqram təminatını dərhal yoxlamağı və müvafiq Patch-i tətbiq etməyi şiddətlə tövsiyə edirik.